الملوخية العربية و حي المهندسين

اختلف تعريف القومية العربية على مر العصور فمنهم من قال انها تكمن في الاتحاد بين العرب و منهم من قال انها اللفظ الوحيد الذي نستطيع من خلاله الربط بين العرب في أي جملة و بعد البحث و التمحيص توصلت الى تعريف جديد لهذه القومية و هو ان القومية العربية ما هي الا حلة ملوخية.....نعم انها حلة ملوخية مليئة باللخبطة الانسانية العربية و تلك الحلة مرتبطة ارتباط نفسي و معنوي بحي المهندسين في القاهرة و لشرح هذة العلاقة يرجى متابعتي ......

شوفوا يا اخوانّا الموضوع بكل بساطة هو اني في يوم مشمس جميل اتعرفت على مجموعة من الشباب الغير مصريين و من خلال مناقشات كتير معاهم توصلت للعلاقة المتناهية المتوازية بين الملوخية العربية...قصدي  القومية العربية و حي المهندسين بالجيزة..... و العلاقة دي بتتلخص في ان حي المهندسين هو اقرب ما توصلنا اليه من الوحده و القومية العربية .......

مناقشاتي مع الشباب دول كلها كانت بتدور في اطار حياتهم في مصر و علاقتهم بزملائهم المصريين في الجامعة....هل بتربطهم صداقة...؟؟ولا مقضينها ملوخية...؟؟؟

الشباب الغير مصريين أجمعوا على ان الشباب المصري تافه ...مش كلهم لكن نسبة كبيرة منهم و ان المصريين مبيفكروش غير في نفسهم...آه المعاملة تمام لكن مفيش صداقة لأن) المصاروة( مش مهتمين بالوضع الحالي و الدليل على ده ان أثناء مناقشتهم لأحد المواضيع واحد  سأل صاحبه هي رام الله دي في فلسطين و لا اسرائيل...ده غير طبعاً ان المصريين دايماً بيقولوا علينا )العرب(....طب ما انتوا كمان عرب مش هنود مثلاً....و عشان كده طبعاً من أول ما بدأت الموضوع و انا بقول الشباب الغير مصريين برغم ان اغلب العرب بيقولوا علينا المصاروة بلهجة فيها شيء من الاستهزاء و التقليل من شأننا و احنا عشان شعب طيب مبناخدش في بالنا و بنطنش....كمان أضافوا ان الشباب المصري هو اللي حاطط حاجز بينهم و مفيش و سائل كتير للترفيه في مصر( مش فاهمة ازاي الحقيقة)...!!! و قالوا احنا بنتعامل على حسب ما هما بيعاملونا و عمرنا ما أسئنا لحد بس هما اللي معندهمش الموضوعية حتى في مناقشة الحاجات الصغيرة.....

يعني العرب اللي بيضايقوا لما بنقول عليهم عرب أجمعوا لأول مرة على حاجة و نسيوا انهم عايشين و بيتعلموا في مصر زي ما الجزائريين نسيوا مصر عملتلهم ايه و نسيوا ان بسبب وقوف مصر معاهم ضد الاحتلال الفرنسي قامت فرنسا بالتحالف مع بريطانيا و اسرائيل و اصبح اسمهم العدوان الثلاثي و بسبب مباراة كرة قدم حرقوا علمنا و احتجزونا رهائن و شتمونا و لفقوا لينا تهم ضرب و تخريب....و ماشاء الله علينا مسكتناش احنا كمان للأسف نسينا وقوف الجزائر معنا في حرب اكتوبر و دعم الرئيس هواري بومدين لينا و بنتحجج بان هما اللي بدأوا  و عايزين نرد لهم الضربة.... خلاص نسينا اننا كلنا عرب....لسان و احد و دم واحد....هنموت بعض عشان ماتش و برغم ان مفيش جزائري واحد اتهان في مصر الا ان المصريين بيتنهدلوا في الجزائر ....و عشان مبقاش ظلمت حد كان لازم انزل و اسأل المصرييين هما كمان عن علاقتهم بزملائهم (الغير مصريين) ......

البنات قالوا احنا ملناش كلام معاهم عشان هما واخدين جنب لوحدهم علطول بس الحق يتقال هما أمامير أوي....!!!يعني سابوا المشكلة و الملوخية و ركزوا على الأمامير....لا تعليق طبعا و مش هقول غير جملة محمد صبحي الشهيرة في مسلسل سنبل....مالكم يا بنات مصر..؟؟؟

الحقيقة الشباب كان ليهم رأي مختلف تماماً و قالوا ان العرب دايماً عاملين حزب لوحدهم و مبيحبوش يدخلوا بينهم حد جديد.....علطول واخدين جنب و ان المشكلة مش في ان الشباب المصري تافه...المشكلة في غرور الشباب اللي مش مصريين و انهم دايماً ناقمين عالحياة في مصر برغم ان في شباب تانيين عرب برضه في جامعات تانية مبسوطين جداً بحياتهم في مصر و بيشكروا دايماً في المصريين و جدعنتهم و برغم اني مقابلتش الشباب اللي بيحيوا مصر دول لكني متأكدة من وجودهم عشان اكيد مش كل العرب ناقمين على مصر زي ما برضة مش كل المصريين تافهين.....

طبعاً التناقض في الآراء واضح جداً يعني العرب اللي بيضايقوا لما حد يقول عليهم عرب...!!شايفين عكس اللي شايفينه شباب مصر....طب ليه كده ياولاد ده انتوا اخوات....عايزين تقضوا على الوحدة و الملوخية....يوووووه قصدي القومية العربية....؟؟ داحنا ما صدقنا ان أخيراً بأه في وحدة عربية...!!!

في النهاية و بعد التفكير العميق اكتشفت ان حي المهندسين هو أكبر دليل على الوحدة العربية...و قبل ما تسألوني ازاي...؟؟ أقولكوا ان المهندسين فيها شارع سوريا و شارع السودان جنب ميدان لبنان و شارع جامعة الدول.....كلهم جنب بعض كده حلوين و بدون حدود بأه و مشاكل و رؤساء و بتاع.....هما كام شارع و الناس اللي فيها مع بعض تمام و مبيفكروش في الموضوعية و الملوخية العربية ولا مين هيدبح الأرنب و لا مين هيعمل الشهقة و التقلية......!!

I hate winter,,,, sue me

Yes…I hate winter. I freakin' hate it, it's dull and it gives me the creeps :s .

I don't get why people get so defensive when I say that I hate winter as if winter is a person and they must defend him because he's so helpless!!!

Come on people, wake up, winter is cold, windy, foggy, rainy and the sun disappears by 5 o'clock; I mean 5 o'clock is so early to be night, not to mention how people stay at their houses because it's so damn cold and when I call a friend to go out, she's either sick or feeling too cold and lazy to go out. When I want to buy something by 10 p.m, all the shops are closing and I can't buy it till next day….

What the hell..??!!

I really wanna know what is it about winter that makes people love it…the one and only thing that I love about winter is the fashion collection :P but other that I hate every single day of it…I hate coldness….i hate fog….i hate wind….and I absolutely get scared when the thunder hits L.