المرة دي فضلت واقفة ساكتة....حسة بانكسار...عيونها مليانة حزن و دموع متحجرة و من كتر المرارة مش قادرة تنزل.....
كانت اللحظات طويلة اوي و الوقت بيعدي بطيء لكن سريع في نفس الوقت ....طلعت البوم صورهم سوا....ايام الجامعة و الرحلات....فضلت تتفرج عليهم و تبص لحبيبها و كأنها بتودعه....هو صحيح بيتجوز لكن ممكن تشوفه صدفة أو حتى بقصد من بعيد لكن هي كانت حسة ان ده وداع.....
فكرت كتير تكلمه لكن كانت بترجع في كلامها و في لحظة جمعت شجاعتها و كلمته..أول مارد عليها دموعها نزلت لا اراديا....هو مكنش عارف مين بيتكلم....ماهي غيرت رقم تليفونها بعد ما سابته 100 مرة...لكن حس بيها... ماا هي برضه حبيبة عمره و لسه بيحس بيها و لسه جواه....و دار بينهم الاتي.....
هو: متعيطيش وحياتي....
هي: انا مبعيطش....انا متصلة اباركلك
هو: انتي بتضحكي على مين
هي:عامل ايه...مبروك ( في انكسار)
هو: الحمدلله...الله يبارك فيكي
هي:مبسوط
هو: (....) طيبة اوي و بتحبني و مستحملة كتير عشاني من زمان
هي: بتحبها..؟؟
هو: مش عارف...بس اكدب لو قلت اني مش حاسس بيها
هي: انا اسفة
هو: مفيش داعي للاسف...عايز افهمك حاجة كنت المفروض اقولهالك من زمان..
هي: اتفضل
هو: انا محبتش في حياتي غيرك...عرفت بنات كتير بس انتي خطفتيني برقتك و شقاوتك و حبك ليا...انا واثق انك بتحبيني على فكرة و عارف انتي سبتيني ليه...يمكن وقتها كنت غضبان و مش فاهم بس بعدين فهمت...لما قلتيلي بابا عايز يشوفك كنت خايف منك...كنتي جرحاني جرح كبير ...وقتها كنت مكسور.....عايزك تفهمي انك هتفضلي جوايا و دايما هكون فاكرك....
هي: انا لازم اقفل دلوقتي...ماما بتنادي...
هو: انا عارف ان ماما مبتناديش بس هسيبك تقفلي
هي: ماشي باي
هو: باي
رمت الموبايل و انفجرت في بكاء تهتز له الابدان.....دموع و اهات متتوصفش.....
بعد مرور وقت مش عارفة اد ايه بالظبط...قامت و قررت انها تشوفه و هو عريس...كانت هتموت و تشوف البنت اللي خدته منها.....و فعلا لبست و نزلت و هي متأكده انها مش هتستحمل اللحظة دي
زينة و نور و اغني و زغاريد.....ومع كل زغرودة كان قلبها و روحها بيتعصروا....فضلت ماشية لحد ما وصلت للقاعة اللي فيها الفرح...و هناك كان قاعد و هي جنبه....يااااااااااااااااه ياه عالاحساس و الوجع اللي حست بيهم....فضلت واقفة بتبص عليهم من بعيد و فجأه جت عينه في عنيها...اول ما بصلها جريت من ادامه...مكنش ينفع تبوظ حياته تاني....اختفت في لحظة و كأنها كانت سراب....
في وسط دموعها و الزغاريد اللي لسه بترن في و دانها صرخت....وقعت عالأرض.....اتلم الناس حواليها ...طلبوا الاسعاف و لما وصل للأسف كان فات الوقت...البنت دخلت في غيبوية نتيجة صدمة نفسية.....
لا حول و لا قوة الا بالله.....دي الكلمة اللي الناس قالتها.....
بعد مدة مش قصيرة و مش طويلة...عرف حبيبها اللي حصل....راح زارها في المستشفى....كانت شاحبة اوي و لونها اصفر و ملامحها حزينة.....برغم كل ده كانت لسة جميلة أو عالأقل في عنيه كانت لسة جميلة....فضل واقف مش مستوعب الموقف...معقول هي دي حبيبتي...هي دي اللي كانت مبتبطلش شقاوة و ضحك....معقول...
قعد جنبها و قال.....
انا اسف...انا السبب....انا اللي كبريائي منعني اسامحك على غلطة سخيفة....
نزلت دموعه و كمل.....
احنا الاتنين غلطنا و ضيعنا احلى حاجة كانت مخليانا عايشين....انا لسه بحبك على فكرة...عمري ما بطلت...فوقي عشان خاطري..خلي روحي ترد فيا تاني....فوقي و مش هسيبك ابدا...
فضل جمبها مستنيها تفوق لكن مافقتش....فضلت في عالم تاني...العالم اللي صنعته لنفسها...و فضل هو مستنيها لكن برضه مافقتش......
ليست هناك تعليقات:
إرسال تعليق