وحش قوي احساس انك خفي او زي ما بنقول invisible .....الناس بتبصلك بس محدش شايفاك أو عشان اكون اكثر دقة محدش شايف ذاتك الحقيقية....الناس بتبص لشكلك حتى لو انت مش احلى واحد في الدنيا...او لبسك حتى لو انت مش اشيك واحد في الدنيا وبيحكموا عليك من خلال هذه الاشياءاللي دايما بتجذبهم ليك و دايما الجاذبية دي بتجيب مشاكل لأنها بتكون سطحية.....و بدون مقدمات اكثر طولا و سخافة هحكيلكوا حدوتة بنت تايهة...جاذبيتها كانت سبب و كستها....
كان في بنت اسمها تررم ضحكتها مش طبيعية....كل اما عيني تشوفها قلبي يبقى في رجليا....
تررم اللي هحكيلكوا عنها مش بتاعة العسيلي برغم الشبه اللي بينهم...هي بنت مش جميلة على قد ما هي جذابة....دايما كان حسام اقرب صاحب ليها يقولها كده...."انتي فيكي جاذبية اكتر من اكبر مغناطيس و اللي بيفهم في الجمال لازم يتشدلك" و برغم ان الكلمات دي كانت المفروض تسعدها الا ان تررم كانت بتضايق و بتسأل نفسها هي الناس تافهة لدرجة انها ممكن تعجب بيا عشان شكلي زي ما حسام بيقول؟؟
تررم مكتنش عايزة غير ان الناس تشوف ذاتها الحقيقية و ميبوصولهاش على انها عروسة حلوة و بس...كانت بتحلم بالحبيب اللي كانت و اثقة انه هيحبها عشان هي تررم و هيشوف جمالها الداخلي....مرت الايام و قابلت تررم الانسان اللي قلب حياتها و على حد تعبيرها " هو ده حبيبي اللي شعنن دماغي و لخبط كياني "....
في الاول كانت حسة قد ايه هو رقيق و شايفها بجد.....لأول مرة في حياتها متكونش invisible وده كان مخليها طايرة....لكن بعد شوية اكتشفت ان هو كمان مش شايفها....ده اصلا مبيحبهاش....زيه زي غيره حبها من برة و شافها من برة....معرفهاش....طب و بعدين....هتعملي ايه يا تررم...؟؟؟!
تررم معملتش حاجة....اتحولت لبنت يائسة....فقدت الامل انها ممكن تلاقي الانسان...الحبيب أو الصديق اللي يشوف ذاتها الحقيقية و ميبصلهاش على انها شيء....انطوت على نفسها و بعدت عن الناس اللي بيحكموا عليها بشكلها.....
الناس في مجتمعنا بيميلوا الى السطحية في نظرتهم للأشياء زي ما يكونوا بيستسهلوا ده و بيقولوا لنفسهم " هو انا لسه هبحث عشان اعرف حقيقة فلان او علان "....و ده على عكس نسبة قليلة من الناس اللي مبتحكمش على حد من خلال مظهره سواء كان مظهر جيد او سيء لكن لسة في ناس بتحكم من خلال الاشكال.....
تررم كان شكلها حلو و هادية فالناس حكمت ان هي ملهاش في حاجة....عشان كانت ساكتة قالوا دي مبتعرفش تتكلم و لما اتكلمت في حاجات بسيطة قالوا دي تافهة مع ان ده ابعد ما يكون عن شخصيتها...
في ناس تانية....اللي مبيسكتش و اللي مبيتكلمش....اللي بيلبس حلو و اللي بيلبس أي كلام...المنطلق و المنطوي.....كلنا مختلفين و كل واحد فينا مميز في شيء...
الحاجة اللي ناقصانا هي اننا نبطل نحكم بسطحية و قبل ما اقول فلان كذا ابص لنفسي الاول و قبل ما احكم ان فلان ده فيه الصفة دي اعرفه الاول و زي ما قالوا زمان " تعرف فلان؟؟ اه....عاشرته؟؟لأ....يبقى متعرفوش......
ليست هناك تعليقات:
إرسال تعليق